பௌர்ணமி

மாதம் ஒரு பௌர்ணமி போல்
உன் வரவு...
காத்திருப்பதும் ஒரு சுகம்தான்..!

மழைத்துளிகள்

மழைத்துளிகள் பொழியும் வேளை
உனை நினைக்கத்
தோன்றுகிறது...
நீயும் மழைத்துளியும் ஒன்றுதான்
தழுவிச் செல்லும் தண்ணீர் துளிகள்..!

நீ வருவாயென....

கதவுகளைத் திறந்தேன்
காற்று வந்தது...
என் நினைவுகளையும்
திறந்தே வைத்திருக்கிறேன்
நீ வருவாயென....

நினைவின் வருடல்

இன்றும் என் விழிகளில்
உன் நினைவுகளின் வருடல்கள்....
கனவாக அல்ல...கண்ணீராக!

நீ..

கனவெல்லாம் நீ..
உனைக் காண பகலெல்லாம் உறங்குகிறேன்..!

நினைவுகள்

உனக்கே தெரியாமல்
நீ எனக்கு கொடுத்தது
உன் நினைவுகள்

மட்டும் தான்!

முத்து..!

உன்னை நினைத்து
சிந்திய கண்ணீரைச்
சிப்பியில் அடைத்தேன்..
முத்தானது!